بليل أسود والقمر زعلان
والنجم اَفل
عا غير سما لافي
قاعد لحالي
معبء وزهقان
وأسمك بيتغندر
ما بين شفافي
ويشرد خيالي
يخرطش عا الحيطان
مجنون مريم
راكض ورا قوافي
مريم... شو جابك
عا خيمة الولهان؟
بصدرك حنين
وبقلبك دوا شافي
بحبك.. بضمّك..
طلّتك عشقان
خدودك سحر
وعينيك عسل صافي
شفافك ربيع
مفتح الأغصان
شعرك حرير
مشلوح على كتافي
وايدك عا صدري
تضيع..تعزف الألحان
وجسمك سكب أنوار
ملفوف بلحافي
وفجأة.. طل الفجر
مسرّب وسكران
.. غامر سلامي
وغيرو بخيمتي ما في
وطيف مريم
من خيمتي راح
جندي بليلة.. ميت من البرد
لحالي كنت وعم كحّل ليلتي
وغافي